總網頁瀏覽量

2021年5月20日 星期四

【幼兒食譜】椰香紫薯數字蛋糕 | 網紅款式x 無糖x無奶x無牛油 (適合加固寶寶) 附超詳細食譜

時日太快,我家弟弟一歲生日啦!之前為六歲哥哥花了不少心機為他做了一個「星球蛋糕」,所以媽媽很公平,今次弟弟生日都花了不少心機,為他做了一個美美的數字蛋糕,祝我家小寶貝一歲生日快樂!

由於弟弟還小,我還沒有為他的食物添加任何調味,而做這個蛋糕亦一樣,純粹是利用食物本身的天然味道,所以這個《無糖椰香紫薯蛋糕》是天然又健康的蛋糕,而且更是為他的口味而設的呢。另外,個人覺得,這個蛋糕除了加固寶寶可以吃外,注或減磅的人士也很適合吃呢!! 

當然,蛋糕完成後,將它擺盤得美美是媽媽想做的事,畢是他一歲生日,配合家中的生日佈也應吧(哈)如果大家沒有時間,蛋做完後可以直接給寶寶吃啊!

《無糖椰香紫薯蛋糕》(以下份量可做6" 圓形蛋糕模一個) 


材料:

【蛋糕體】

雞蛋3

植物油 20g

自製新鮮椰槳20g

椰青水 30g

低筋麵粉50g

檸檬汁小許 (可省略)

 

【植物奶油】(可省略)

自製新鮮椰槳130g*

小型紫薯2

 

【裝飾部分】(可省略)

水果 適量

食用花 適量


 --------------------------------------------------------------------------

*【自製新鮮椰槳】做法:(配方來自:肥丁手工坊)


1.     打開青皮椰子,用湯匙刮出白色椰子肉;

2.     椰子肉及椰子水以 1:1 分量放入攪拌機高速打成椰槳;

3.     打好後,再用網篩濾即成。


【植物奶油】做法:

1.     裱花袋底部剪一個口,裝入5瓣裱花嘴,備用;

2.     紫薯放入一鍋水中煮至軟腍,取出去皮,用匙羮壓成紫薯蓉;

3.     將紫薯蓉及自製新鮮椰槳放入電動攪拌機中攪拌;

4.     打好後,再用網篩濾出幼滑狀態成植物奶油;

5.     將植物奶油放入裱花袋,封口紮緊,即成。(如未即時使用,可放入雪櫃普通冷藏)

 

【蛋糕體】做法:

1.     預熱焗爐150度;

2.     先將蛋白和蛋黃分開;

3.     將蛋黃、植物油、新鮮椰槳及椰青水打散混合均勻成蛋黃糊;


4.     加入已過篩的低筋麵粉於蛋黃糊拌勻至無顆粒狀;


5.     蛋白用打蛋器先打出細緻泡沫,然後加入檸檬汁用高速攪打至企身狀態 (即拿起打蛋器的尾巴時,蛋白呈現針尖的綿密狀態即可



6.     取出蛋白,加入31蛋白入蛋黃糊輕輕拌勻。然後將蛋黃糊加入32蛋白輕輕拌勻。(切勿過渡拌勻)

7.     入模後,以150度焗45分鐘左右至完全熟透即成,倒扣放涼備用。(可用牙籤插入蛋糕中,如蛋糕糊沒有黏著牙籤即代表已熟)


8.     將蛋糕上下切半,分成兩片;

9.   在蛋糕片上鋪上1字牛油紙,用刀沿着1字牛油紙的邊緣𠝹1字;

10. 在第一片蛋糕片上擠上植物奶油,然後蓋上第二片蛋糕片,再擠上一層植物奶油,如此類推;

11. 用各種喜歡的水果/食用花等來裝飾,即成。 


*** Alfred媽小叮嚀 notes: ***

1.     植物奶油除了椰子外,亦可用其他食材去做,例如:直接用紫薯加水/准山(山藥)加水等也可以,視乎寶寶口味去調節。

2.     打蛋白器具必須完全乾燥,不能沾到任何油分、水分及蛋黃。否則影響打發。而且不要過度打發而導致消泡。

3.     打發蛋白時,加入檸檬汁可使蛋白打泡沫維持更久,易於控制打發。

4.     倒粉漿時,要預留約三分一至四分一的空間讓蛋糕膨脹升高。

5.     插入竹籤測試蛋糕中是否熟透,如竹籤取出來沒有黏著物即代表熟透。

6.     如寶寶一歲以上,可用鮮奶代替清水的部份。

7.     請確保寶寶沒有食材敏感及寶寶咀嚼能力


備註:

食用花我於某烘焙店購買,如大家想知道店舖詳情,歡迎pm我查詢。

==========================================

(以上資料更新至撰文當日)

聯絡電郵: alfredbb325@gmail.com
最近開始玩IG,歡迎追縱:allaboutalfred
最近開始玩MeWe,歡迎追縱: https://mewe.com/p/AllAboutAlfred/


駐站BLOGGER:
              


 



 

2021年5月7日 星期五

【開放式廚房設計分享】今時唔同往日!廚房裝修設計要一絲不苟

較早前因為減少外出嘅關係,而我家小朋友亦無需返學一段好長嘅時間,多咗留喺屋企活動,所以我煮飯嘅次數都比以前頻密咗好多,平時親子下廚都見到Alfred對廚藝有興趣,所以我決定趁早培養下佢做一個識煮野食嘅小暖男,將來入得廚房,出得廳堂!不過最近發現Alfred高咗,我家原本個地櫃門同佢差唔多高,有時幫我手拎材料都好易撞到個頭; 所以每次開關門,我都要特別小心注意。

 藉著小朋友都開始大,覺得都係時候要執一執我地個廚房,上次去睇煤氣乾衣機嘅時候,已經比佢旗下廚櫃品牌Mia Cucina嘅開放式廚房設計吸引住,今次專誠再去多次,了解佢地嘅廚房裝修設計,真心想分享比大家!


我今次主要想了解一下近年最流行廚房設計,發現原來Mia Cucina呢個品牌係好著重用家嘅使用體驗,佢地嘅廚櫃設計以人體工學為基礎,方便我地平時煮食之餘,仲幫手考慮埋點樣善用每一吋收納位置。仲會提供一系列貼心嘅收納配件,例如轉角轉盆、地櫃拉籃同埋櫃桶分隔等等,令我對廚房設計有新認知!



Mia Cucina廚房設計得好modern smart,諗到可以喺廚房入面加入智能裝置增加實用性,例如有自動升降工作檯、升降收納層架同埋電動消毒碗櫃等等,真係令我大開眼界。特別喺香港住屋嘅實用面積普遍比較細,要靈活善用廚房空間係非常重要,所以度身訂造廚櫃先係皇道。


我除咗要考慮外觀同款式,亦要諗埋門板質料係咪耐用,因為香港天氣潮濕,職員話櫃身最好用七層夾板,咁先夠防潮力!另外,佢哋有多款意大利進口嘅門板飾面隨意配搭,可以同我個飯廳夾返個設計。真係好想推介比大家,Showroom 入面有個弧形廚櫃設計,一改傳統千篇一律嘅長方形廚櫃加上我又有小朋友,我覺得哩個廚櫃好啱 Alfredat least佢會無咁易撞到D起角位。



最近,我自己都多咗上網參考下廚房裝修設計平面圖同埋其他人嘅裝修案例,原來要設計梗廚或者開放式廚房都要留意黃金三角擺位,即係廚房主要嘅三個工作區域,包括煮食區(爐具)、洗滌區(鋅盆)同儲物區(雪櫃)。如果黃金三角擺位佈局得好嘅話,就可以減少我地喺準備食材同埋煮食之間走動嘅時間,慳返唔少時間!

不過由於廚房裝修設計係屬於專業嘅範疇,而我就完全無呢方面嘅知識… 今次知道煤氣公司Mia Cucina係做開廚櫃設計,仲可以提供一站式服務,包括諮詢、上門度尺、設計、訂造同埋安裝廚櫃等,同埋,佢地嘅服務真係好好,當日職員都即場解答左我好多廚房裝修嘅問題!最正係如果屋企用明火煮食,佢地會聯絡埋煤氣師傅上去事先 check 下,真係煩少好多!!

 

一個好嘅廚房,係可以用到好多年,到時Mia Cucina upgrade咗我嘅廚房之後,就可以將我嘅廚藝傳承比Alfred啦!!!

==========================================
(以上資料更新至撰文當日)

聯絡電郵: alfredbb325@gmail.com
最近開始玩IG,歡迎追縱:allaboutalfred
最近開始玩MeWe,歡迎追縱: https://mewe.com/p/AllAboutAlfred/


駐站BLOGGER: