總網頁瀏覽量

2021年7月21日 星期三

【暑假住宿】小小夢想家體驗 x 親子住宿 x 超多活動 | 帝樂文娜公館

又到小朋友最愛嘅暑假啦!呢個暑假,我都同Alfred plan 咗好多節目同活動,而其中一個就係去Staycation享受親子度假時光啦!

我哋打響頭炮嘅第一個StayCation就係揀咗尖沙咀旺區嘅精品酒店「帝樂文娜公館」啦,原因係佢哋暑假期間呢有個以親子為主嘅「Be a Dreamer 小小夢想家」住宿package,其中一個專享禮遇非常吸引我,就係長達30小時住宿體驗及保證玩到至少3項活動,超抵玩!!!


Be a Dreamer小小夢想家」住宿優惠入住日期為202171日至831。而價錢亦算抵玩,就好似以我為例,我哋星期六入住定價每晚為$1,188起,並贈送$800餐飲消費額,可於入住期間到酒店餐廳FINDS及酒吧Dada Bar + Lounge使用。如果係星期日至五入住嘅話,價錢仲抵,只需每晚$988咋。以暑假嚟講,真心相當划算!

專享禮遇:

·      長達30小時住宿體驗 (可提早於上午9時登記入住至翌日下午6時退房,視乎供應情況作確認)

·       免費升級至尊尚客房供最多兩位成人及兩位小童入住

·       每房每晚贈送港幣800元餐飲消費額於酒店餐廳FINDS及酒吧Dada Bar + Lounge使用

·       兒童迎賓禮物

·       免費使用「HAPE遊歷家兒童遊樂園」(開放時間上午10時至下午545)

·       免費參加各項工作坊及親子活動

·       免費借閱精選繪本享受親子共讀時間

·       免費使用健身室

·       客房內迷你酒吧及房內用餐菜單半價優惠(餐酒除外)

·       FINDSDada Bar + Lounge餐飲七折優惠 (只適用於單點菜單)


簡單介紹咗「Be a Dreamer小小夢想家」嘅住宿package小小資料後,就開始正式分享我哋今次入住嘅真實體驗啦(圖文並茂比較多,因為都想比大家知道真實情況)。

酒店位於尖沙咀旺區,所以我哋當日決定唔揸車,就算我哋拎住兩個背囊同孭住弟弟都唔覺得特別辛苦,因為酒店離尖沙咀地鐵站B2出口都係大約5分鐘路程,非常方便! 

至於酒店大堂唔算好大(始終係精品酒店),不過設計風格我就覺得好特別,比到我哋一種型格嘅感覺,因為酒店係以「超現實主義」為設計概念,有別於其他一般酒店,每一處都有細節位同影相位,而且亦充滿藝術文藝氣息!





好多打卡影相位

酒店都有做足防疫措施


而當日我哋準時12Check-in嘅時候,同埸亦見到有其他家庭辦理緊入住手續,雖然有其他家庭,但等候時間都好快,我哋當日前後等咗大約5分鐘就成功Check-in 左啦!

Check-in 酒店提供一本「探索護照」
「探索護照」內裡有活動日程時間表及其他實用資訊

Check-in 酒店提供比兒童嘅個人清潔護理套裝 

兒童個人清潔護理套裝 ,包括有:沖涼液、洗頭水及潤膚露

房間環境及設施:
呢間係我哋住嘅房間,一入房內行多幾步就見到有個小帳篷同小裝飾,小朋友就最開心。而且房間整體乾淨企理,空感都夠大,就算我哋一家四口入住,同酒店要求加多張BB床都仲好闊落除左好似我哋揀Twin Bed之外,客人亦可以要求King Size~








入住前可預先要求酒店安排BB


房間有USB Port,充電方便

房內有小雪櫃(親提示:此圖片內飲品係要額外收費)

提示:此圖片內飲品及食品係要額外收費



至於浴室,係走型格風同用品都有齊。不過呢個package只係免費升級至尊尚客房如想浴室有浴缸嘅話,就需要升級至豪華 (Deluxe) 客房了 (註:最好預訂時提出,而酒店會視乎供應而定)。






分享完房就到我哋最期待嘅Be a Dreamer小小夢想家」嘅活動啦!呢個package最吸引我哋係保證可以玩到至少3個活動,所以喺Check-in 嘅時候,我都把握機會預約左好幾個活動!實行大玩特玩(玩盡佢)!除左保證玩到嗰3個活動外,我哋都好順利咁預約到額外多3個活動,即我哋參6個活動咁多。哈哈!包括:小小廚師、小小調酒師、小小管家、毛巾藝術教室、小小實驗家繪本共讀,仲參加埋佢哋每日都有嘅超現實遊蹤添!!!

小小廚師(個人推薦必玩)

呢個小小廚師嘅活動,係喺酒店入面嘅FINDS餐廳進行。小朋友們可以換上專業嘅廚師服飾朋同戴上廚師帽,搓下預先準備好嘅麵團,而小朋友就可以按自己口味加上自己鍾意嘅配料。完成後,小朋友仲有張證書同可以品嚐返自己整嘅Pizza添!


如整野食/飲品嘅活動,酒店都會要小朋友們洗手及消毒雙手,讚!




  完成後,大約拎去焗10分鐘左右就可以食得

小朋友仲有張參與證書

有得玩又有得食,最開心係佢啦

小小調酒師(個人推薦必玩)

呢個活動係喺酒店入面嘅FINDS餐廳進行,同樣需要換上制服。小朋友跟住FINDS餐廳專業嘅調酒師講解每個調酒步驟,個個都做得有板有眼呀完成後,小朋友亦都有張證書同飲返自己沖完杯飲品!









小小管家

比小朋友體驗一下執房間嘅工作!一間混亂嘅房間就要靠小小管家還原整理返。唔好睇小每個細節呀,因為Alfred執完後都覺得呢個工作絕唔輕鬆呀!哈~ 

小小管家都有制服著呀!

每個工序都要一絲不苟呀!


毛巾藝術教室

平時去酒店住見到用毛巾整嘅公仔好得意,估唔到係呢度都可以學到/玩到!呢個毛巾藝術教室活動,小朋友可以揀整3款造型,而小朋友最後仲可以拎走其一款添。







小小實驗家

小小實驗家呢個活動係酒店聯同科學機構「Little Scientist 小小科學超人」合辦嘅科學探索STEM工作坊,課堂入面可以比小朋友學下唔同嘅實驗室嘅工具、用品。仲以遊戲方式,比小朋友認識唔同嘅恐龍同其特性。最後,小朋友仲可以落手落腳去鑿恐龍化石添。 







**報讀小小科學超人優惠**

凡持有帝樂文娜公館 THE LUXE MANOR 收據(2021/7/1 - 2021/8/31),可以享有以下優惠:

*優惠碼*LSE

初級科學家:(新生)可享買一送一workshop 優惠(只限一堂) 

資深科學家:(舊生) 報讀任何恒常班額外多送2堂或送2workshop 

https://www.facebook.com/littlescientistsdpark

註:是次優惠只限荃灣DPark基地


繪本共讀

呢個活動係喺親子遊樂園 嘅遊戲室進行,如果鍾意聽故事嘅小朋友唔好錯過啦!




除此之外,其實喺酒店大堂都有「童書入酒店」呢個活動,小朋友可以喺住宿期間去借閱唔同嘅精選繪本,呢度D繪本係由「綠腳丫親子讀書會」創辦人Kenny同其團隊親自挑選呀! 



超現實遊蹤

至於呢個活動就好似玩緊尋寶遊戲咁,喺大堂集合後,就可以跟住酒店職員去做一啲小任務,每個任務都同超現實主義嘅概念同相關嘅著名藝術家,非常特別。當然,完成任務後,小朋友可以換取精美禮品呀!



見到花灑頭嗎?




除咗以上好玩嘅活動外,酒店亦有一間「HAPE遊歷家親子遊樂園 」嘅遊戲室。顧名思義就係酒店聯同著名德國木製玩具品牌HAPE打造嘅室內遊戲室,入面提供一系列以FSC認證嘅天然實木天然無毒無味顏料製造嘅玩具。仲有唔同音樂系列、角色扮演玩具、火車拼砌STEM嘅優質玩具。









酒店餐飲

每房每晚贈送港幣800元餐飲消費額,雖然唔夠我哋22細大食一家去享用晚餐,不過我覺得呢度嘅食物質素絕對值得比多小小嚟消費。特別係佢哋嘅兒童餐,係由餐廳FINDS x Done by Deer嘅兒童套餐,除左有主菜揀外,亦有自家製雪糕伴新鮮雜果果汁,好高質!

▲(圖香煎挪威三文魚柳,香口肉嫩滑,推薦!

自家製牛肉及豬肉肉丸,哥哥食到唔停口,所以我都唔太清楚個味道





頭盤之一:北歐蟹肉餅

頭盤之一: 煙薰烤美國牛柳

香烤龍蝦三文魚湯,香濃

是日精選甜品


而第二日,我哋都選擇係去酒店餐廳進食。份量足夠款式又夠多,我覺得味道仲唔錯添!

兒童版All Day Breakfast


**升級優惠**
如果有預算嘅話,更可以揀佢哋嘅升級服務,就係分別以充滿中東情懷嘅「SAFARI北歐冰雪世界為題嘅「NORDIC嘅主題套房啦!

中東情懷嘅「SAFARI主題套房




酒店亦提供咗特色嘅服裝於房內,讓客人作主題攝影之用

北歐冰雪世界為題嘅「NORDIC主題套房



 

而家可享優惠價$2,988(房價原價為港幣5,880),入住上述升級主題套房,除咗可享受「Be a Dreamer小小夢想家」住宿假期嘅禮遇外,更可獲贈免費早餐予最多兩位大人及兩位小朋友享用。真心抵玩!


最後不得不提,呢度竟然有一間同客房一樣咁大嘅哺乳室,正!對於我兩胎都係母乳餵哺,我真心欣賞,因為房間除咗夠大外,入面亦提供一系列相關配套如尿片更換墊、暖奶器、奶樽消毒器衞生消毒用品等,仲有方便餵奶嘅armchair… 真心讚呀!!




總結:對於第一次喺香港住精品酒店嘅我哋嚟講,呢度無論服務、住宿、食物質素及親子友善度都比我想像中要好。而呢個套票長達30小時住宿體驗及保證玩到至少3項活動(我哋最後玩咗6項,記得check-in 時立即預約活動呀!因為每個活動都有限人數,確保質素,而且部分熱門活動好搶手呀!)。整體性價比超高!真心值得推薦比大家!

快速訂房:https://bit.ly/3qDCACn


==========================================

【帝樂文娜公館@尖沙咀】

地址:香港九龍尖沙咀金巴利道39號帝樂文娜公館
電話:(852) 3763 8888
電郵:info@theluxemanor.com
網址:https://www.theluxemanor.com/
Facebook
https://www.facebook.com/theluxemanor/
Instagram
http://www.instagram.com/theluxemanorhk

==========================================

(以上資料更新至撰文當日)

聯絡電郵: alfredbb325@gmail.com
最近開始玩IG,歡迎追縱:allaboutalfred
最近開始玩MeWe,歡迎追縱: https://mewe.com/p/AllAboutAlfred/


駐站BLOGGER: