總網頁瀏覽量

2021年9月30日 星期四

【親子玩樂】最新炮台山「東岸公園」 | 設兒童平衡車試驗空間

最近知道喺炮台山有個新起嘅東岸公園,趁Alfred喺附近參加完課外活動後,就帶佢哋過嚟去玩下

東岸公園距離炮台山地鐵站約7分鐘步程,由地鐵站A出口經油街轉入電器道,至屈臣道街尾即可到達。今日係第一日開放,沿路人都好多呀。

一入到去先見到有個超大個草地,草地上有唔小座椅同遮陽設施。



而草地另一邊就係一個面頗大嘅兒童平衡車驗空間,有兩條彎彎曲曲嘅車路比小朋友玩下車。






喺兒童平衡車驗空間隔離,就會見到海濱標誌性、超吸睛同巨型字體嘅「VICTORIA HARBOUR」打卡藝術燈牌,成為我哋可以隨時走到「字裡行間」影相打卡。至於夜晚時分,字體更會發出光芒,照亮炮台山一帶維港海旁。





再行入小小,就會見到地下有個類似「跳飛機」圖案同一條類膠櫈嘅裝置,好多小朋友都係呢個長膠櫈上面爬上跳落,自娛一翻。




另外,跳飛機隔離就係兩條小遊樂滑梯,小遊樂滑梯設喺安全地墊上面,小朋友爬上跳落都好安全。同埋,雖然小遊樂滑梯比較短,但Alfred 話速度感都唔錯呀。


而兩條小遊樂滑梯背後,就係區內最大特色維港首條向公眾開放防波堤,真係超近距離360度飽覽維港景致。而且防波堤上,亦設置咗唔小大大小小波浪型休息椅。


最後,就係防波堤末端有獲獎嘅大型排風口,成為東岸公園主題區一幀特別風景同影相打卡位之一


總結:呢度地方真係好大,而且每個區域都分得好仔細同有點距離。不過如果小朋友無平衡車或帶車嚟玩嘅話,呢度嘅兒童玩樂設置就真係比較小(只有兩條小遊樂滑梯),但勝在環境好,有足夠地方比小朋友跑跑跳跳。如果大家都係附近嘅話,都值得一去影下相嘅。

溫馨提示:

-保護環境,自己垃圾,自己帶走。

-地方比較空曠,請做好防曬或防蚊措施。

-疫情緩和都唔可以鬆懈,記得勤手洗/搓手,勿摸眼、口、鼻。

 ========================================  

東岸公園主題區(第一期)
地址:炮台山屈臣道以西(炮台山地鐵站A出口)
開放時間:24小時
交通:從港鐵炮台山站經油街轉入電器道,至屈臣道街尾即達,步程約7分鐘

========================================

(以上資料更新至撰文當日)

聯絡電郵: alfredbb325@gmail.com
最近開始玩IG,歡迎追縱:allaboutalfred
最近開始玩YouTube,歡迎追縱: allaboutalfred


駐站BLOGGER:
             












2021年9月7日 星期二

【開箱分享】Jakewell x Liki Trike S3三輪車|多功能x獨特x創新

我而家出街,終於唔洗捉人仔啦!因為有潮物《Doona Liki Trike》多功能三輪車幫我手,而家每次出親街,弟弟只要一上車就勁興奮!

多謝Jakewell為我哋送上大驚喜!因為呢部BB界超跑,除咗外型顏色sharp醒外,佢仲係一部集質量、安全、設計,多功能於一身既可折疊又易開易收嘅輕便手推車,亦係一部三輪腳踏車。


𝙇𝙞𝙠𝙞 𝙏𝙧𝙞𝙠𝙚》分4個階段,可以由10個月起坐到30個月或以上。而30個月以上嘅時候,就可以轉換安裝低靠背,同時拆下推桿。而且一開箱唔洗組裝,直接打開車架同插好推桿就用得。仲要易開易收,3秒就可開車/收車,非常方便!


𝙇𝙞𝙠𝙞 𝙏𝙧𝙞𝙠𝙚設有肩部軟墊同高靠背舒適座椅,靠背仲可調較,可減少腰部支撐力,同埋更方便寶寶休息

更設有推車護欄同5點式安全帶,確保安全!


另外,呢架車身更設可拆卸嘅防紫外線遮太陽罩,啱曬鍾意推去戶外推車嘅我哋


好似弟弟而家14個月大,我當輕便推車出街,後輪仲有剎車踏板,方便當輕便推車時用。弟弟再大啲時,就可以將佢變返3輪車咁用,一物兩用,非常正!


現階段,我就控制轉向幫弟弟推車。另外,推桿可伸長縮短,連Alfred哥哥都可以幫下手推呀。


另外,腳踏位置調節,有推車腳踏同腳踏車腳踏兩種模式,仲防止夾腳添!


𝙇𝙞𝙠𝙞 𝙏𝙧𝙞𝙠𝙚》仲係高品質耐用車架,纖維增強聚合物和鋁合金,減震嘅車輪,弟弟表示坐得好舒服!加上係易開易收,可謂3 秒快速收車。

仲可以將佢帶到各種地方,折疊尺寸僅重 6.7 公斤,因為佢可以被折疊,所以尺寸唔大,節省存放空間,並且易於收起!亦可以加購收納車袋方便收納/攜帶外出,就算第時帶寶去旅行,仲可以攜帶上飛機添!

 無論我哋去公園、商場、主題樂園或者樓下散個步,都會帶住佢,用落就會感受到《𝙇𝙞𝙠𝙞 𝙏𝙧𝙞𝙠𝙚》嘅設計對用家嘅貼心同到位。弟弟好享受坐定定做佢個車手!