【親子玩樂】最新觀塘康寧道公園 | 超吸睛罕有巨蛋型攀爬架

又有新公園啦！最近去咗觀塘康寧道公園一期嘅新公園，等我哋同大家分享下有咩玩啦！ 

如果要嚟到呢個公園，首先要先搭升降機／行樓梯去到頂層平台位置，然後會見到一條長長的天橋，天橋盡頭就會見到呢個最新嘅公園呀啦。

公園面積唔算好大，但罕有巨蛋型攀爬架就非常吸眼球！佢係由一個個球體為主軸，周邊環繞著攀爬網、溜滑梯同障礙道等設施，比較屬於手腳並用、上下跑跳類型嘅遊具設施，個人覺得比較適合年齡較大嘅小朋友嚟玩。

另外，佢亦設有唔同嘅滑梯，例如：螺旋型、長滑梯、一般滑梯等。當然最刺激一定係位於頂層嘅金屬螺旋型長滑梯啦！

除咗有巨蛋型攀爬架外，呢度都有個鞦韆架，鞦韆架亦有３款唔同嘅鞦韆比大家玩！而我最鍾意嘅就係「親子款」，可以親子對望住一齊玩，我同弟弟玩得好開心！

另外，公園仲有一個氹氹轉、小型彈床同小量健身設施等。同埋，出入口亦增設洗手裝置。呢度雖然唔係好大，但勝在各遊樂設施都有啲。

公園仲有一個人造草地還在建設中，相信將來會有個小草地，可以比小朋友跑跑跳跳。（友善提示：由於工程尚未完成，所以請小心看顧小朋友呀。）

▲夜晚呢條樓梯仲有會變色嘅燈，好靚。

總結：雖然呢度唔重好大，但勝在設施特別同比較新。不過個人位於觀塘半山區嘅康寧道，附近配套未算好完善，所以我哋第一次嚟搵呢個公園都用咗唔小時間。而且呢度只係屬於小區公園，個人建議如喺附近行緊街嘅話，都可以一嚟玩下嘅。

溫馨提示：

-保護環境，自己垃圾，自己帶走。

-請做好防曬或防蚊措施。

-疫情緩和都唔可以鬆懈，記得勤手洗/搓手，勿摸眼、口、鼻。

==========================================

康寧道公園一期　頂層平台公園

地址：茶寮坳康寧道151號 頂層平台

我哋係由官塘裕民坊小巴站（90B／22A ），於康濤閣有落，再過馬路搭lift 上去頂層平台公園。 

其他交通：
1.     港鐵觀塘站 A1 出口沿協和街步行15-20分鐘便到達康寧道公園第二期入口。
2.     巴士路線 : 1C， 11X，13D， 13X，15P， 23，23M，26M，28B，95M路線於基督教聯合醫院下車

==========================================

（以上資料更新至撰文當日）

聯絡電郵： alfredbb325@gmail.com

最近開始玩IG，歡迎追縱：allaboutalfred

最近開始玩MeWe，歡迎追縱： https://mewe.com/p/AllAboutAlfred/

追踪更多育兒生活分享，請按 Alfred 成長日記 

駐站BLOGGER:

              

【親子玩樂】最新新蒲崗東啟德公園「彩虹樂園」 | 內有罕見少有遊樂設施

最近知道喺新蒲崗四美街有個最新落成嘅東啟德公園，入面有個兒童遊樂場「彩虹樂園」好特別。所以就趁小朋友喺附近參加表演活動後，就帶佢哋過嚟去玩下。 

星期六嘅下午，人流特別多。所以提提大家都要好好看顧好自己小朋友呀！

呢個「彩虹樂園」好特別，因為佢無傳統一座座組合式遊樂設施，以遊樂體驗作整體規劃，場地更分為四個區域：森林歷奇、叢林探索、旋轉綠地同健體園地。 

森林歷奇

1) 山丘：滑梯與隧道（適合2歲+），攀上滑下，好玩之餘又可以培養小朋友膽色同信心。

2) 旋轉吊椅（適合5-15歲），罕見少有＋刺激好玩，又可以訓練平衡感。

3)  圓型/ 方型及大型彈床（適合3歲+），小朋友最愛嘅彈床，呢度仲有3款咁多。可以鍛鍊小朋友四肢同肌肉協調力。

叢林探索

1) 攀爬小刺蝟（適合2-8歲），超可愛嘅小刺蝟，比小朋友攀爬有助建立空間感。

2)   攀爬小山丘與隧道（適合2歲+），山丘裝置可玩攀爬、瀡滑梯和穿越隧道。訓練四肢靈活度。

3) 繩網攀爬架（適合3歲+）  ，鍛鍊小朋友四肢／肌肉力量同協調能力。

4)   彈簧平衡木（適合5歲+），Alfred話呢個好玩，因為真係好講求平均同靈敏度。

5)   攀爬及平衡步道（適合4-12歲），富有挑戰性，培養小朋友克服困難同毅力。

旋轉綠地

1) 友誼氹氹轉（適合4-12歲），好有媽媽細個玩氹氹轉嘅感覺，小朋友不自不覺會追求更快速度感，好玩刺激！

2)  人力滾輪（適合6歲+），另一罕見少有嘅人力滾輪，小朋友化身成小倉鼠咁，不斷前行來推動滾輪轉動，考驗平衡力。

3)   旋轉椅子（適合1歲+），旋轉椅子帶嚟速度嘅樂趣。

4)   幻變轉盤（適合0歲+） ， 幻變轉盤嘅圖案隨時令到您頭暈   XD

▲圖片擷取自Playright Children's Play Association專頁

5)    雨聲機（適合0歲+），弟弟超鍾意呢個，因為推動雨聲機可聽到淅瀝嘅雨聲。

健體園地，包括：跨腿訓練　及　卧式單車。

▲圖片擷取自政府新聞處

總結：雖然呢度唔重好大，但滿足唔同年齡人士嘅需要。我最估唔到佢啲遊樂設施最細0歲+就玩到，真係少有。另外，上網得知呢個公園係由智樂從小朋友口中收集唔同意見，以好玩遊樂場嘅五大原則（包括：挑戰性、多嘢玩、啱我玩、可以一齊玩、方便玩。）歸納得出以遊樂體驗作整體規劃。而且值得一讚嘅係，其中一個出入口增設洗手裝置，同埋呢度每個區域均設有兒童友善嘅指示牌，圖文並茂清楚講明每個設施嘅適合年齡同玩法重點。

其他設施包括：寵物公園、緩跑徑、健身園地、卵石路步行徑和社區園圃等。

==========================================

東啟德公園「彩虹樂園」

地址：新蒲崗四美街（鄰近采頤花園）

可由港鐵鑽石山站B出口步行約8分鐘或乘搭多條巴士及小巴路線到達。

==========================================

（以上資料更新至撰文當日）

聯絡電郵： alfredbb325@gmail.com

最近開始玩IG，歡迎追縱：allaboutalfred

最近開始玩MeWe，歡迎追縱： https://mewe.com/p/AllAboutAlfred/

追踪更多育兒生活分享，請按 Alfred 成長日記 

駐站BLOGGER: