Alfred成長日記 : 【玩樂分享】小孩去海灘的裝備同注意事項小分享

我地一家真係好鍾意去海灘玩啊！除咗免費好玩外，其實玩沙玩水對小朋友都有好多好處啊！既能活動身體、發展動手能力、豐富佢地嘅感覺統合，又可以親子一齊玩，真係一個唔錯嘅親子活動。不過香港好多沙灘都比較遠，而且準備嘅配件又多，其實只要識著識揀就可以省卻好多嘢呀啦～以下係我地去海灘時嘅裝備同注意事項小分享～

1. 泳衣及吸水大毛巾：去到唔同地方，都要配合唔同衣著。而海灘適當嘅衣著就係泳衣。另外，個人推薦又簿又輕身嘅吸水毛巾。

2. SPF30以上的防曬：係預防曬傷、防止肌膚老化同預防皮膚癌等。

3. 水／飲料：個人經驗，流汗流得多，自己帶可以即時補充水份，消暑降溫。

4. 玩具（如需要）：我家Alfred超喜歡玩沙同玩水，而且佢亦指明要帶玩沙玩具比佢。

5. 其他（如需要）：太陽眼鏡（保護眼睛)、太陽帽、沙灘墊等。

▲太陽眼鏡及著上涼鞋

另外，想玩得開心又安全，亦要注意以下事項。

1. 小心暴曬：避免喺艷陽高照嘅時候去沙灘，避免過度暴曬同大量流失水份而中暑。

2. 全程陪伴：沙灘人多嘅時候或玩水時，一定要有成人照顧，以免發生意外。

3. 著上涼鞋：除咗方便清理沙外，亦可以避免赤腳落水時或喺沙灘被尖石或垃圾整傷腳。

4. 安全配件：如小朋友想玩水，但又擔心安全問題，家長可以為小朋友買一啲合安全規格嘅配件，如充氣浮具，但切勿過份依賴。

5. 身心配合：如太攰同太飽都不宜游水。

▲全程陪伴除咗以免發生意外，亦係親子遊嘅重要原素！

更多游泳安全守則，可瀏覽：https://www.lcsd.gov.hk/tc/beach/atten-general.html

而家去玩水玩得多，所以對揀選泳衣嘅要求都高咗，最好就係質料好又可以防曬，而我個人就推薦Arena最新推出嘅All-in-One系列嘅水陸兩用運動裝，時尚得嚟又具功能性，而且一件衫可「玩晒」兩類運動，佢既係防曬泳衣，亦適合做陸上運動，如慢跑、瑜伽、排球Pilates及負重訓練等嘅運動套裝！最重要係佢透氣度高唔焗身，又不易變色變型，一物兩用，性價比高！

▲媽媽著嘅係Arena最新推出嘅All-in-One系列

另外，我地都揀咗呢個品牌嘅泳衣比Alfred，之前幫佢揀嘅泳衣都忽略咗要買防曬功能，所以今次都想買返件靚料小小嘅泳衣比佢。而呢件泳衣除咗有UPF50+防曬功能外，顏色配搭同圖案亦好吸引，而設計方面用上長袖設計，咁就可以幫小朋友阻擋更多紫外線攻擊，再加上呢款泳衣更用上3mm簿嘅 neoprene 物料製造，呢個適中厚度既能保留小朋友喺水中嘅靈活度，同時亦帶嚟最佳嘅保暖效果，減低著涼嘅機會！！！最後背後拉鏈方便穿著，幾曬都可以盡情玩樂啦！

▲3mm簿嘅 neoprene 物料

▲保留小朋友喺水中嘅靈活度，同時亦保暖

最後，比個保養防曬泳衣小貼士比大家，由於防曬泳衣以UPF50+防曬物料製造，而佢阻隔紫外線嘅能力會因為日照次數增加而減低，所以為

保護泳衣物料嘅最佳狀態，建議用手洗代替機洗，而且每次清洗完之後，最好等佢自然風乾，唔好放喺烈日之下曬晾，因為咁樣係會做成損耗架！

備註：

媽媽示範（身高157cm ，體重：145lbs ) :

M size - arena黑色拼藍色飾邊鏤空長褲

L size - arena UPF50+ 防曬露背上衣

Alfred 示範（身高95cm ，體重：30lbs ) :

110（幼童尺碼）- arena後背拉鍊防曬保暖neoprene連身泳裝

*是此服務由品牌提供體驗*

免責聲明：本文章所發表的全部內容均屬個人意見及感受，並不代表該品牌之言論及立場。

**********************************

arena 2018夏日泳裝系列

arena黑色拼藍色飾邊鏤空長褲 HK$399

arena UPF50+ 防曬露背上衣HK$299

arena後背拉鍊防曬保暖neoprene連身泳裝HK$499

專頁：https://www.facebook.com/arenahk/

網址：arena.hk

arena 銷售點：

arena專門店	佐敦彌敦道 216 - 228A 恆豐中心上層地下10號舖
AQUA+	銅鑼灣告士打道311號皇室堡3樓 307號舖尖沙咀海港城海運大廈2階 OT 227-229 及 242 號舖
崇光百貨	銅鑼灣軒尼詩道555號崇光百貨四樓
GigaSports	金鐘太古廣場二期一樓146號舖太古城中心二期地下034號舖旺角朗豪坊7樓01號舖九龍塘又一城L1 - 02 號舖旺角太子道西193 號新世紀廣場4樓401號舖九龍灣宏照道38號MegaBox 8樓1號舖新都城中心二期1014a, 1014b &1016號鋪元朗朗日路8-9號及元龍街9號形點2樓A260-261號舖