【美食日記】銅鑼灣 | Gram cafe & pancakes

約咗細妹喺銅鑼灣食飯，當然要搵一間方便大家又有好嘢食嘅地方啦。我地鍾意食甜食，所以就決定去Gram試一試啦！喺日本人氣度好高嘅gram cafe & pancakes繼尖沙咀店後，喺銅鑼灣再開分店，更定為旗艦店。銅鑼灣旗艦店喺Sogo 附近，既然咁方便，當然要去試下啦！

梳乎厘班戟 $138
每日只有3個時段供應，分別係：11:00，15:00，18:00，而每次只供應20份，就知佢係GRAM人氣食品啦！不過我地今日趕時間，所以就無叫啦，想食既大家可以係供應前1小時排隊試下！

Premium Smile Pancake $138 

 每日限量供應食品，三層疊高咗嘅班戟，分別有唔同口味，包括：Fruit／Chocolate ／Egg。旁邊仲有忌廉及蜜糖。班戟鬆軟，但又唔會好甜。就連唔太鍾意太甜嘅妹妹都覺得好食呀！ 

 

Cool  Premium with Pineapple Filling $108 

另外一款，亦都係每日限量供應食品，而且仲係夏季香港限定添！如果喜歡菠蘿嘅你就真係唔可以錯過呢款口味啦！兩層疊高咗嘅班戟，外觀已經好吸引，外圍有唧花嘅菠蘿口味嘅cream，質感幼滑，味道清新，而且班戟仲有菠蘿軟心，層次非常好，個人大推嘅其中一款口味！ 

Ｍixed Fruit & Chocolate   雜果朱古力班戟   $108 

新鮮水果配搭朱古力及雲呢拿醬，口感豐富。

Chilibeans 墨西哥辣豆醬班戟    $118 

終於可以試下鹹嘅班戟啦，我地都係第一次試咋。我地左揀右揀下，揀咗呢款墨西哥辣豆醬班戟，講真，我地就食唔到有任何辣嘅感覺（可能我地都食到辣），不過墨西哥辣豆醬好香口，再配埋長嘅脆皮腸，口腹同樣滿足。另外，沙律菜新鮮又唔會帶澀味，同鹹嘅班戟好perfect match。結果又出乎意料地好食！

我地仲加錢升級做套餐，滿足度滿分！

最後，環境舒適，親子閏蜜或者同同事食飯都得，呢度連洗手間都算做乾淨企理架。

椅底仲有個籃俾你擺袋，方便細心，唔洗食食下嘢都要顧住個袋或攬住個袋，可以舒舒服服咁食野。  

===================================

（以上資料更新至撰文當日）

聯絡電郵： alfredbb325@gmail.com

最近開始玩IG，歡迎追縱：allaboutalfred

最近開始玩YouTube，歡迎追縱： allaboutalfred

追踪更多育兒生活分享，請按 Alfred 成長日記 

駐站BLOGGER:

             

【美食分享】銅鑼灣 | Marbling (酒店以外高質半自助餐semi-buffet)

最近天氣熱辣辣又唔想喺屋企煮飯，所以就出咗去銅鑼灣「Fashion Walk食街」搵食，湊住個小朋友無乜頭緖下就入咗去Mr. Steak 旗下嘅Marbling食晚飯。 

除咗有室內坐位外，呢度亦有露天茶座！而室內就係行走簡約高雅風格，氣氛自在，座位坐得舒適。當推開厚重嘅玻璃門後，就見到一整列吸晴嘅沙律吧同甜品吧！！！ 另外，餐廳係以semi-buffet作招徠，餐廳一角放滿咗唔同嘅沙律、生果同甜品，可搭配啱自己口味嘅沙律。

冷盤及沙律吧：

有多款沙律菜／配料，包括：雜肉涷盤、煙燻三文魚、青口、魷魚、大蝦及多款沙律等！

（個人推介：燒粟米沙律） 

甜品：

甜品選擇多，令我有點驚喜，包括有：朱古力布郎尼、雲尼拿泡芙山、檸檬撻、芝士餅、意大利芝士餅、麵包布丁、芒果慕絲蛋糕、焦糖咖啡餅夾層慕絲及牛奶奶涷等。

（個人推介：牛奶奶涷及麵包布丁）

最後，當然不得不提嘅主餐啦！我同爸爸分別ORDER咗「芝士焗龍蝦帶子。特級牛柳」同「熟成黑安格斯特級肉眼」。食主菜之前，先有迷利杯盛上嘅南瓜湯作頭盤，香濃軟滑，唔鍾意食南瓜嘅爸爸都覺得好好飲ＸＤ 

 芝士焗龍蝦帶子。特級牛柳 $368

我最愛嘅龍蝦竟然呢度都有得叫（其實睇完餐牌見到有先入去食ＸＤＤ），呢度係以芝士焗龍蝦作烹調，芝士嘅香加龍蝦嘅鮮，簡直係絕配！而且龍蝦充滿蝦膏，非常好食！！！另外，牛柳雖然厚切，但都夠腍身而且有牛味，ＹＵＭＭＹ！ 

熟成黑安格斯特級肉眼    $338

另外，鍾意食牛嘅爸爸就叫咗熟成黑安格斯特級肉眼，爸爸叫咗medium rare，牛味突出，內裡肉質嫰紅，入口軟腍。爸爸話超讚！

 總結：無論服飾及質素都比我想像中好，而且呢度亦好kids friendy。最後，我地埋單$8XX 多，已足夠一家三口享用，值得推薦！

===================================

Marbling 

 

地址：銅鑼灣Fashion Walk食街加寧街5-7號地下C舖（港鐵銅鑼灣站E 出口）

電話：28021128

===================================

（以上資料更新至撰文當日）

聯絡電郵： alfredbb325@gmail.com

最近開始玩IG，歡迎追縱：allaboutalfred

最近開始玩YouTube，歡迎追縱： allaboutalfred

追踪更多育兒生活分享，請按 Alfred 成長日記 

駐站BLOGGER: