【美食分享】香港百樂酒店 | 鮑魚盛「燕」海鮮自助晚餐ｘCP 值高

Alfred終於考完試，所以就帶埋兩小去食下Buffet 輕鬆下 (其實係媽媽想食)。今次我哋揀咗百樂酒店嘅＜鮑魚盛「燕」海鮮自助晚餐＞，以鮑魚和燕窩入饌，啱曬鍾意食鮑魚同海鮮嘅我哋。

除咗有鮑魚同海鮮任食外，最吸引我嘅係，佢哋嘅  特別優惠：

·         生日優惠：每4位賓客惠顧，1位當月嘅生日之星可免費享用1次，並獲贈指定蛋糕乙件(須一天前預約)，同行賓客可享85折優惠

·         長者小童優惠：65歲或以上長者可享65折優惠；12歲以下小童可享半價優惠；一位6歲以下小童隨付費成人惠顧可免費用餐

·         Facebook優惠：讚好「香港百樂酒店」Facebook專頁，並出示已置頂之優惠券，可享78折優惠

我哋同行有一位生日之星，所以除返開，性價比真係好高，而且仲要無限供應果同啤酒添！

而我特別推薦嘅係，每位食客都會有「花膠鮑魚鍋」乙客卡一張，可即場享用。不得不讚呢道菜，鮑魚炆到好淋好入味，而啲花膠比濃郁嘅湯汁裹住，真係超級好味呀！

海鮮、刺身及壽司（個人推介：長腳蟹）：
這裡海鮮款式選擇非常多，海鮮有6款，如長腳蟹、凍蝦、白蜆、紐西蘭青口、龍蝦仔同黃金螺。另外刺身及壽司多達十款之多，刺身包括有：八爪魚、象柭蚌、帝皇蟹柳、希靈魚、鯛魚同三文魚等。而家唔知點解，好小酒店有提供長腳蟹，所以我見到呢度有，好開心好Surprise！

另外，主題係鮑魚盛「燕」海鮮，當然仲有其他推介美食啦，包括：
燕窩鮑魚雞粒撻、燕窩芒果奇異果龍蝦杯、香煎鴨肝、鮑魚雞粒元貝炒飯、燕窩鮑魚龍蝦粥、牛乾菌杞子鮑魚烏雞湯、燕窩桃膠燉蛋白、海鮮拼盤及瑞士MÖVENPICK雪糕等

▲燕窩鮑魚雞粒撻

▲燕窩芒果奇異果龍蝦杯

▲香煎鴨肝

▲鮑魚雞粒元貝炒飯

▲燕窩鮑魚龍蝦粥

▲燕窩桃膠燉蛋白

▲牛乾菌杞子鮑魚烏雞湯

至於呢度嘅冷盤／沙律吧，抑或熱盤，都好多菜式選擇。

另外，如熱食的話，個人推薦百樂豬腳薑、片皮鴨、燒牛肉、燒烤區同湯麵區。都係唔錯嘅選擇！

最後，呢度仲有好幾款甜品（雖然款式唔算特別多，不過我剩係食瑞士MÖVENPICK雪糕都已經覺得物有所值啦）。同埋，個人強烈推薦：佢哋嘅火焰雪山雪糕蛋糕好好食呀。

總結：我哋非常滿意呢餐CP 值高＜鮑魚盛「燕」海鮮自助晚餐＞，酒店位置方便，裝修過後嘅百樂，個人覺得坐得舒適。食物款式又算多，我家兩小食得都好開心。最重要嘅係，特別優惠折後真係好抵呀！

=========================================

香港百樂酒店＜鮑魚盛「燕」海鮮自助晚餐＞

地址：尖沙咀漆咸道南香港百樂酒店 （題示地圖）

日期：即起至11月30日

詳情：https://www.parkhotelgroup.com/zh/hongkong/promotions/abalone-n-birds-nest-dinner-buffet

特別優惠：

·         生日優惠：每4位賓客惠顧，1位當月嘅生日之星可免費享用1次，並獲贈指定蛋糕乙件(須一天前預約)，同行賓客可享85折優惠

·         長者小童優惠：65歲或以上長者可享65折優惠；12歲以下小童可享半價優惠；一位6歲以下小童隨付費成人惠顧可免費用餐

·         Facebook優惠：讚好「香港百樂酒店」Facebook專頁，並出示已置頂之優惠券，可享78折優惠

*無限供應果同啤酒

=========================================

 （以上資料更新至撰文當日）

聯絡電郵： alfredbb325@gmail.com
最近開始玩IG，歡迎追縱：allaboutalfred
最近開始玩MeWe，歡迎追縱： https://mewe.com/p/AllAboutAlfred/
追踪更多育兒生活分享，請按 Alfred 成長日記