總網頁瀏覽量

2021年2月18日 星期四

【本地親子遊】罕有離地式摘士多啤梨 | 乾淨舒適 x 求旅行感 | 農樂營

由於疫情關係,我帶住兩兄弟出去都會選擇到戶外。新年前,趁住爸爸平日放假,又有好天氣。 帶兩兄弟遠離市區,去咗呢個有罕有溫室離地式植士多啤梨嘅農莊,比Alfred士多啤梨摘個夠!


我哋於2020年年頭曾去過沖繩嘅溫室士多啤梨園,體驗過一次離地式採摘士多啤梨,發現高架栽培離地,士多啤梨全部懸掛在高架外,比起種植地下嘅士多啤梨更為乾淨,而且大家都唔洗踎底,就可以舒舒服服採摘

攝於沖繩溫室士多啤梨園

估唔到,我哋幾年前去過嘅元朗農樂營都有採用呢種高架離地去栽培士多啤梨。以香港嚟講,真係較為罕有同小見!



呢度只有一個種植士多啤梨嘅溫室館,面積不算大,大約8-10士多啤梨可供採摘。另外,為保有足夠數比大家採摘設立人數限制只於星五、六及日開放採用會員制入場(登記做會員為$100)請大家務必預約呀!!


呢度係以自助形式採摘,進入溫室後,先要去聽聽職員教大家點樣去剪士多啤梨而又唔傷到啲果肉再去拎較剪同揀果盒(共有一大一細嘅size),售價分別為:大盒以磅計算,$120 細盒$60盒(會員價)。

我哋當日星期日下午時間到達,慶幸仲有唔少又紅又大嘅士多啤梨。




就算我孭住弟弟,都可以輕輕鬆鬆去摘下心頭好。而且士多啤梨果實都跟泥土隔開,感覺更為乾淨企理。

至於Alfred呢?佢係唔洗踎底嘅情況下,得更為爽快!

 

我哋好快就滿一盒大SIZE 士多啤梨啦!

 

呢度除咗有溫室士多啤梨園摘,隔離仲有另一個溫室係種水耕菜,大家都可以即場選購。


相片來自農樂營專頁

相片來自農樂營專頁

另外,佢哋農莊約數分鐘車程,亦有養殖寶石魚,魚場比我想中大,我同爸爸就聽導賞員講解養殖寶石魚的原理,而小朋友則係魚場餵魚,佢見到好多魚,就已經好開心啦!










呢度,亦可以即場購買寶石魚,因我哋無買都唔清。如有大家有興趣,可以直接同導賞員查詢。


最後,其實呢度有唔小影相位又可以玩露營camping 同租partyroom玩,不過都要提提大家,場地暫有工地維修,大家都要注意安全呀!





總結:雖然場內暫未有開放任何兒童玩樂設施,但對於鍾意士多啤梨嘅我,我被呢度嘅罕有離地式溫室種植而吸引我前嚟摘士多啤梨。同埋,疫情期間,我比較顧慮人數問題,所以呢度限制人數出入,我玩得都比較安心!

========================================

農樂營

地址:新界元朗牛潭尾路攸潭美村

營業日期:暫只有星期五、六及日開放 (會員制,必須預約)

會員費用:$100

電話:5116 9460

車位:非常有限,先到先得

交通:在元朗開心廣埸後,福康街小巴總站搭#37綠色小巴,總站攸潭尾村公所落車,步行約100米(約2-3分鐘左右)便到。 


**溫韾提示**

1.     溫室溫度比較熱,請多補充水份。

2.     戶外地方,請做好防曬及防蚊措施。

3.     疫情緩和都唔可以鬆懈,記得常戴口罩及勤手洗/搓手,勿摸眼、口、鼻。

========================================

(以上資料更新至撰文當日)

聯絡電郵: alfredbb325@gmail.com
最近開始玩IG,歡迎追縱:allaboutalfred
最近開始玩MeWe,歡迎追縱: https://mewe.com/p/AllAboutAlfred/


駐站BLOGGER:
              



2021年2月9日 星期二

【加固分享】培養「學習適當嘅餐桌禮儀」| Highchair 成長椅推薦

時間過得好快話咁快弟弟已經8個月大啦,亦即代表佢已經開始踏入另一個成長階段,就係「加固」啦!而我幫佢加固都接近差不多兩個幾月啦,暫時弟弟食固體都比較順利!

關於二寶加固,呢胎我比較隨心,無上一胎咁執著,亦唔會再執著於佢用咩工具或咩方法去進食。反而,因為有湊兩胎經驗之下,我就比較著重弟弟「學習適當嘅餐桌禮儀」同「對食物提起興趣」為目標。


關於「 學習適當嘅餐桌禮儀

1.    預早比BB習慣進食用餐嘅禮儀同行為。喺BB未正式加固時,我哋都會預先比佢試下坐highchair,喺佢面前進食,引起佢對食物嘅興趣先。



2. 喺BB面前進食嘅另一個好處係:由爸媽直接示範,建立榜樣,咁佢就可以透過觀察、揣摩、模仿來學習。


3.  停止玩玩具、陪玩或睇電視等活動,而且要坐定定食飯,所以一張安全嘅highchair 好重要,因為食完嘢先比離開,養成專心食飯好重要嘅習慣。


4.  飲食定時同固定地點    (highchair)食飯, BB習慣同知道,原來坐上highchair度,就係食嘢時間。



5.   BB專注時間有限,但都可以為佢設定一個食飯時間,例如控制喺30-40分鐘左右。



6. 多讚賞鼓勵、接受犯錯及盡量避免挑釁苛責。

7. 按部就班:BB只係一張白紙,要多耐性,千祈唔好比較同心急!

關於「對食物提起興趣」

1. 唔好根據自己嘅飲食偏好去幫BB揀食物,應該要比佢多嚐試唔同種類同有益嘅食物,等佢認識食物嘅味道。



2.    引起BB對食物嘅興趣,爸媽對每樣食物都覺得好好食,又喺佢面前做下咀嚼、吞嚥等口肌能力嘅動作,比佢模仿。

3.     唔好介意BB用手食到勁污漕,呢個係必經階段,如果擔心的話,可以先用枱布先鋪好或可以選購連餐盤嘅highchair


除咗以上重點外,個人覺得一張安全舒適嘅Highchair 都好重要。而我個人推薦Stokke Tripp Trapp® Highchair 成長椅。因為佢係一張由BB時期可以用到小朋友長大嘅成長椅,Tripp Trapp®成長椅咁標誌住可以一張Highchair,終生可用。足見佢哋以靚料見稱,而且歐洲製造,有品質保證。

當我收到貨之後,打開包裝完全無臭味,木質順滑又堅固,就算自行安裝都唔難!

自行安裝都唔難

其實喺決定買邊張Highchair之前,我都上網做過功課,亦有問過幾個真用家意見,最後都決定入手人氣度高、好用、慳位同CP值高嘅Tripp Trapp® 

弟弟用咗Tripp Trapp®差唔多3個幾月啦,真心覺得無揀錯!因為佢可以拍埋飯枱,弟弟可以同我哋一齊食飯,培養佢學習適當嘅餐桌禮儀!而家佢每次知道要坐Highchair,就知道就快有飯開!

另外,隨住弟弟成長長高,Tripp Trapp®可以獨特調節座椅板同腳踏板,等弟弟坐得舒服之餘,又唔會吊腳!

當然,每次用完清洗都好方便,用濕布輕鬆清潔污漬就攪掂!

我哋同步都配置埋安全帶、Baby set同椅套方便長用!


其實張Highchair真係好實用,我哋除咗主要比弟弟用嚟坐埋枱食飯外,有時更會比佢坐喺Highchair同哥哥一齊玩下玩具、做下小監工睇下哥哥做功課,就連聖誕節都坐住佢當裝飾咁影相留念



所以大家想買Highchair嘅話,我都真心推薦大家買Stokke呀。

 

Jakewell

購買連結: https://jakewell.com.hk/products/tripp-trapp

https://www.facebook.com/jakewell.hk

 

門市資料: 

奧海城二期UG28號舖 

營業時間: 11:00 - 19:30 

電話: 2886 2809

Whatsapp: 9885 1366


元朗形點一期L2 2016號舖 

營業時間: 11:00 - 19:30 

電話: 2663 2809

Whatsapp: 9366 9169


========================================

(以上資料更新至撰文當日)

聯絡電郵: alfredbb325@gmail.com
最近開始玩IG,歡迎追縱:allaboutalfred
最近開始玩YouTube,歡迎追縱: allaboutalfred


駐站BLOGGER: